..................

"Bahala ka sa gusto mong isipin"

Yan ang nabitiwang salita sa akin

Di mo ba alam ang sakit sa damdamin

Tila sinaksak ng punyal na matalim.

Tiim-bagang ayaw magsalita

Tinikom ang bibig ayaw ibuka

Sakit ng kalooban sadyang kinimkim na

Gaano man ang bigat siya lang nakadarama.

Pinipigil umiyak ng malabong mata

Ngunit sumusungaw malalaglag na luha

Sa pisngi niyay umagos tuluyang pinalaya

Kalooban niya'y tila sumabog na.

Sa katahimikan ng kanyang  silid

Doo'y nakatulala at walang imik

Sinasarili ang kanyang paggibik

Huwag sanang dalhin hanggang panaginip.